ທ່ານ ສະເຫຼີມໄຊ ກົມມະສິດ ເປັນປະທານກອງປະຊຸມ ວົງແຄບຂອງລັດຖະມົນຕີຕ່າງປະເທດອາຊຽນ
|
ສາທາລະນະລັດ ສະ ຫະພາບມຽນມາ ໄດ້ເປັນເຈົ້າ ພາບຈັດກອງປະຊຸມວົງແຄບ ຂອງລັດຖະມົນຕີຕ່າງປະເທດ ອາຊຽນ ໃນວັນທີ 19 ທັນວານີ້ ທີ່ຢາງກຸ້ງ. ທ່ານ ສະເຫຼີມໄຊ ກົມມະສິດ ໃນນາມປະທານ ອາຊຽນໄດ້ເປັນປະທານກອງ ປະຊຸມບໍ່ເປັນທາງການດັ່ງ ກ່າວ. ໃນໂອກາດນີ້ທ່ານນາງ ອອງຊານຊູຈີ ທີ່ປຶກແຫ່ງລັດ ລັດຖະມົນຕີການຕ່າງປະເທດ ຂອງ ສາທາລະນະລັດ ສະຫະ ພາບມຽນມາໄດ້ແຈ້ງໃຫ້ບັນ ດາລັດຖະມົນຕີຕ່າງປະເທດ ອາຊຽນຊາບ ກ່ຽວກັບສະພາບ ການທີ່ເກີດຂຶ້ນຢູ່ ລັດລະຄາຍ ແລະ ຄວາມພະຍາ ຍາມຂອງ ລັດຖະບານມຽນມາໃນການ ແກ້ໄຂຂໍ້ຫຍຸ້ງຍາກ ແລະ ສິ່ງ ທ້າທາຍຕ່າງໆຢູ່ລັດດັ່ງກ່າວ, ລວມທັງການຮ່ວມມືຂອງມຽນ ມາກັບວົງຄະນາຍາດສາກົນ ໂດຍສະເພາະ ແມ່ນກັບອົງ ການສະຫະປະຊາຊາດເຊັ່ນ: ໄດ້ມີການສ້າງຕັ້ງຄະນະກຳ ມະການສູນກາງກ່ຽວກັບການ ສ້າງສັນຕິພາບ, ສະຖຽນລະ ພາບ ແລະ ການພັດທະນາຢູ່ ລັດລະຄາຍ ແລະ ຄະນະກຳ ມາທິການທີ່ປຶກສາ ຊຶ່ງນຳໂດຍ ທ່ານ ໂກຟີອານັນ ອະດີດເລ ຂາທິການໃຫຍ່ຂອງອົງການ ສປຊ. ພ້ອມນີ້, ທ່ານນາງ ອອງ ຊານຊູຈີ ກໍໄດ້ແຈ້ງຄວາມຄືບ ໜ້າຂອງ ການແກ້ໄຂສະພາບ ການຢູ່ລັດລະຄາຍ. ບັນດາລັດ ຖະມົນຕີຕ່າງປະເທດອາຊຽນ ຮັບຊາບຂໍ້ມູນດັ່ງກ່າວ ແລະ ໄດ້ປຶກສາຫາລືວິທີທາງ ເພື່ອ ຊ່ວຍເຫຼືອມຽນມາ, ລວມທັງ ການໃຫ້ການຊ່ວຍເຫຼືອທາງ ດ້ານມະນຸດສະທຳ ແລະ ໄດ້ ສະແດງຄວາມກຽມພ້ອມໃຫ້ ການຊ່ວຍເຫຼືອແບບສອງຝ່າຍ ຫຼື ຜ່ານຊ່ອງທາງທີ່ເໝາະສົມ. ໃນຕອນ ທ້າຍຂອງກອງ ປະຊຸມ, ທ່ານ ສະເຫຼີມໄຊ ກົມ ມະສິດ ກໍໄດ້ສະແດງຄວາມ ຂອບໃຈບັນດາປະເທດສະມາ ຊິກອາຊຽນທີ່ໄດ້ໃຫ້ການຮ່ວມ ມື, ສະໜັບສະໜູນ ແລະ ຊ່ວຍ ເຫຼືອແກ່ ສປປ ລາວ ຕະຫຼອດ ການເປັນປະທານອາຊຽນຂອງ ສປປ ລາວ ໃນປີ 2016 ດ້ວຍ ຜົນສຳເລັດອັນຈົບງາມ. ການ ເປັນປະທານອາຊຽນຂອງ ສປ ປ ລາວ ຈະສິ້ນ ສຸດລົງ ໃນວັນ ທີ 31 ທັນວາ 2016 ນີ້ ແລະ ສປປ ລາວ ຈະເປັນປະທານ ອາຊຽນຄັ້ງຕໍ່ໄປໃນປີ 2024.
Nguồn: Pasaxon
|
Không có nhận xét nào:
Đăng nhận xét